बिपना कुलुङ कोशी प्रदेश, सोलुखुम्बुको माहाकुलुङ गाउँपालिकाकी उपाध्यक्ष हुनुहुन्छ। उहाँको जन्म २०४० साल भदौ ३ गते माहाकुलुङमा भएको हो। पिता ललित बहादुर राई र माता सिर्जत हिरा चन्द राई हुन्। सामाजिक अभियन्ता भएर सक्रिय रहनु भएकी उहाँले २०६२ सालमा राजनीतिक यात्रा सुरु गर्नुभयो ।

माहाकुलुङ गाउँपालिका सोलुखुम्बु जिल्लामा अवस्थित छ र बुङ, छेस्काम र गुदेल गाविसलाई समेटेर गठन गरिएको हो। यहाँ किरात, बौद्ध र हिन्दू धर्मावलम्बी बसोबास गर्छन्, जसमा किरात समुदायको बहुलता छ।

उपाध्यक्ष कुलुङले महिला सशक्तिकरण, अनुगमन तथा सुपरभिजन, न्यायसम्बन्धी कार्यक्रम, र प्रत्यक्ष भेटघाट–घरदैलो कार्यक्रममार्फत नागरिकसँग नजिक भएर सेवा प्रदान गर्दै आउनु भएको छ। उहाँ निरन्तर जनताको दुःख–सुखमा सहभागिता जनाउँदै गाउँपालिकाको समृद्धि र समावेशी विकासका लागि सक्रिय रहनु भएको छ।