She Leads Icon

“शी लिड्स आइकन” (SHE LEADS ICON ) कल्प इम्पावर वेमेन नेपालको राजनीतिमा महिला परियोजना अन्तर्गत रहेको कार्यक्रम हो । नेपालका स्थानीय तहमा निर्वाचित महिला जनप्रतिनिधी मध्येबाट ‘महिला स्वास्थ्य ,महिला उद्यमशिलता,नीति र न्याय ,सशक्तिकरण र जवाफदेहित क्षेत्रमा प्रेरणादायी र उत्कृष्ट कार्य सम्पादनको नेतृत्व गर्ने महिला जनप्रतिनिधलाई विश्व सामु चिनाउने अभियान हो , “शी लिड्स आइकन” ।

Information

पद्‍मा गुरुङ

पद्‍मा गुरुङ

उप– प्रमुख

बेसीशहर नगरपालिका

Voting Code: 24

पद्‍मा गुरुङ

गण्डकी प्रदेश अन्तर्गत लमजुङ जिल्लाको बेसीशहर नगरपालिकाकी उप–प्रमुख पद्मा गुरुङको जन्म २०२३ साल माघ ९ गते बाँझाखेत–१० मा पिता जयबहादुर गुरुङ र माता प्यारी गुरुङको सुपुत्रीका रूपमा भएको हो। सामाजिक अभियान्ताका रूपमा लामो समय सक्रिय रहनुभएकी उनले २०६५ साल बाट आफ्नो राजनीतिक यात्रा सुरु गर्नुभयो।

कृषि र पशुपालनमा निर्भर बेसीशहर नगरपालिकाले अन्नबाली, तरकारी र नगदेबालीलाई प्रमुख उत्पादनका रूपमा लिएको छ भने अधिकांश परिवारहरूको आम्दानीको प्रमुख स्रोत पनि यही क्षेत्रमा आधारित छ।

उप–प्रमुख गुरुङको कार्यकालमा एकल महिलालाई भत्ता, ग–वर्ग अपाङ्गता भएकालाई भत्ता, कृषि एम्बुलेन्स सेवा, गोपालक कृषकलाई प्रोत्साहन रकम, उत्पादन–आधारित अनुदान, सीपमूलक तालिम, सेफ हाउस स्थापना, गर्भवती महिलालाई निःशुल्क एम्बुलेन्स सेवा, महिलालाई पाठेघरसम्बन्धी परामर्श सेवा र ग–वर्ग अपाङ्गता भएकाहरूको निःशुल्क स्वास्थ्य बीमा जस्ता जन–हितकारी कार्यक्रमहरू कार्यान्वयनमा आएका छन्।

यी योजनाहरूको माध्यमबाट बेसीशहर नगरपालिकालाई कृषि, सामाजिक सुरक्षा र महिला सशक्तिकरणमा अग्रणी नगरपालिकाका रूपमा विकास गर्ने लक्ष्य रहेको छ।