माया सिलवाल बागमती प्रदेश अन्तर्गत चितवन जिल्लाको इच्छाकामना गाउँपालिकाकी उपाध्यक्ष हुनुहुन्छ। उहाँको जन्म २०३० साल असार २८ गते आमा  गंगा कँडेल र  बुबा दिल्लीप्रसाद कँडेलको सुपुत्रीका रूपमा भएको हो। २०६६ सालमा नेकपा (एमाले)को सदस्यता प्राप्त गर्दै गाउँ समिति उप-सचिवबाट राजनीतिक यात्रा सुरु गर्नुभएकी उहाँ अहिले स्थानीय शासन र विकासमा सक्रिय नेतृको रूपमा परिचित हुनुहुन्छ।

चितवन जिल्लाको एक मात्र गाउँपालिका इच्छाकामना प्राकृतिक सुन्दरता, ऐतिहासिक र धार्मिक सम्पदाले भरिपूर्ण पर्यटन सम्भावनायुक्त क्षेत्र हो। सिराइचुली, जलबिरे झरना, उपरदाङगढी र इच्छाकामना माई मन्दिर यस क्षेत्रका मुख्य आकर्षण हुन्।

जनप्रतिनिधि बनेपछि उहाँले महिला र बालमैत्री नीति र कार्यक्रम, सहभागी योजना निर्माणको अभ्यास, डिजिटल सेवा प्रवाह, कृषि र स्वास्थ्य क्षेत्रमा प्रविधिको उपयोग, “एक घर, एक रुख” अभियान, विद्यालयमा ICT प्रवर्द्धन, महिला-मैत्री स्वास्थ्य सेवा, निःशुल्क औषधि वितरण, व्यावसायिक तालिम र सहुलियत ऋणमार्फत युवा उद्यमशीलता प्रवर्द्धनजस्ता महत्वपूर्ण कार्य गर्नुभएको छ। उहाँको नेतृत्वमा इच्छाकामना गाउँपालिका पारदर्शी, प्रविधिमैत्री र विकासमुखी बन्ने दिशामा अघि बढिरहेको छ।