She Leads Icon

“शी लिड्स आइकन” (SHE LEADS ICON ) कल्प इम्पावर वेमेन नेपालको राजनीतिमा महिला परियोजना अन्तर्गत रहेको कार्यक्रम हो । नेपालका स्थानीय तहमा निर्वाचित महिला जनप्रतिनिधी मध्येबाट ‘महिला स्वास्थ्य ,महिला उद्यमशिलता,नीति र न्याय ,सशक्तिकरण र जवाफदेहित क्षेत्रमा प्रेरणादायी र उत्कृष्ट कार्य सम्पादनको नेतृत्व गर्ने महिला जनप्रतिनिधलाई विश्व सामु चिनाउने अभियान हो , “शी लिड्स आइकन” ।

Information

ज्ञानु कुमारी सेटी देउबा

ज्ञानु कुमारी सेटी देउबा

उपाध्यक्ष

गन्यापधुरा गाउँपालिका

Voting Code: 08

ज्ञानु कुमारी सेटी देउबा

ज्ञानु कुमारी सेटी देउबा सुदूरपश्चिम प्रदेशको डडेल्धुरा जिल्ला, गन्यापधुरा गाउँपालिकाकी उपाध्यक्ष हुनुहुन्छ। उहाँको जन्म २०४४ साल फागुन ५ गते गन्यापधुरा गाउँपालिका वडा नं. १ मा भएको हो। उहाँका पिता राज बहादुर सेटी र माता हरिना देवी सेटी हुनुहुन्छ। सामाजिक अभियन्ता भएर सार्वजनिक जीवनमा सक्रिय रहनु भएकी उहाँले २०६४ सालबाट औपचारिक रूपमा राजनीतिक यात्रा सुरु गर्नुभएको हो।

गन्यापधुरा गाउँपालिकाको नाम सुदूरपश्चिम क्षेत्रकै प्रसिद्ध धार्मिक तथा सांस्कृतिक आस्थाको केन्द्र गन्याप (शिखर) देवता शक्तिपीठबाट राखिएको हो। यस गाउँपालिकाभित्र असिग्राम, गणेशपुर, कैलपालमाण्डौ र मष्टामाण्डौजस्ता ऐतिहासिक–सांस्कृतिक महत्व बोकेका बस्तीहरू रहेका छन्।

उपाध्यक्ष सेटी देउबाको कार्यकालमा जनप्रतिनिधि राहत कोष स्थापना, गाउँपालिकाभित्र हरेक टोलसम्म सडक पहुँच विस्तार, शैक्षिक गुणस्तर वृद्धिका लागि शिक्षक पदपूर्ति र अनुदान, प्रत्येक वडामा वर्थिङ सेन्टर तथा आँखा उपचार केन्द्रको स्थापना जस्ता कार्यक्रमहरू अगाडि बढाइएका छन्। स्वास्थ्य, शिक्षा, पारदर्शिता, सुशासन र लक्षित वर्गका कार्यक्रमलाई प्राथमिकता दिँदै उहाँ निरन्तर समुदायको जीवनस्तर सुधारका लागि सक्रिय रहनु भएको छ।