She Leads Icon

“शी लिड्स आइकन” (SHE LEADS ICON ) कल्प इम्पावर वेमेन नेपालको राजनीतिमा महिला परियोजना अन्तर्गत रहेको कार्यक्रम हो । नेपालका स्थानीय तहमा निर्वाचित महिला जनप्रतिनिधी मध्येबाट ‘महिला स्वास्थ्य ,महिला उद्यमशिलता,नीति र न्याय ,सशक्तिकरण र जवाफदेहित क्षेत्रमा प्रेरणादायी र उत्कृष्ट कार्य सम्पादनको नेतृत्व गर्ने महिला जनप्रतिनिधलाई विश्व सामु चिनाउने अभियान हो , “शी लिड्स आइकन” ।

Information

देविका कुमारी सिंह

देविका कुमारी सिंह

उपाध्यक्ष

कुशे गाउँपालिका

Voting Code: 06

देविका कुमारी सिंह

देविका कुमारी सिंह कर्णाली प्रदेश अन्तर्गत जाजरकोट जिल्लाको कुशे गाउँपालिकाको उपाध्यक्ष हुनुहुन्छ। उहाँको जन्म वि.सं. २०३९ साल भाद्र १ गते जाजरकोटमा जनक सिंह र सुशील देवी सिंहको सुपुत्रीको रूपमा भएको हो। सामाजिक अभियान्ताको रूपमा लामो समय सक्रिय रहनुभएकी उहाँले २०६१ सालबाट आफ्नो राजनीतिक यात्रा सुरु गर्नुभयो।

कुशे गाउँपालिका समुद्री सतहबाट १,०७५ मिटरको उचाइमा सुरु भई ४,३८८ मिटरको कुशे पाटनसम्म फैलिएको, कर्णाली प्रदेशको प्राकृतिक स्रोत र जैविक विविधतामा धनी स्थानीय तह हो। यहाँका सरुगाड र चैयागाड जलाधारका मुख्य स्रोत हुन् भने विभिन्न औषधिजन्य जडीबुटी, काइनाइट, टुर्मालिनजस्ता बहुमूल्य रत्नपत्थर र विश्वकै दुर्लभ रेड पाण्डाको बासस्थान यहाँ अवस्थित छन्।

जनप्रतिनिधि बनेपछि उहाँले गरेका प्रमुख कार्यहरूमा— शिक्षा क्षेत्रमा सुधार, विवाद व्यवस्थापन र आर्थिक क्रियाकलापमा पारदर्शिता, लक्षित वर्गका लागि विशेष कार्यक्रम, दलित महिलाका लागि विशेष बजेट व्यवस्थापन, अपांगता भएका बालबालिकाका लागि शिक्षकको व्यवस्था गरेर घरमै शिक्षा उपलब्ध गराउने पहल— उल्लेखनीय छन्।