She Leads Icon

“शी लिड्स आइकन” (SHE LEADS ICON ) कल्प इम्पावर वेमेन नेपालको राजनीतिमा महिला परियोजना अन्तर्गत रहेको कार्यक्रम हो । नेपालका स्थानीय तहमा निर्वाचित महिला जनप्रतिनिधी मध्येबाट ‘महिला स्वास्थ्य ,महिला उद्यमशिलता,नीति र न्याय ,सशक्तिकरण र जवाफदेहित क्षेत्रमा प्रेरणादायी र उत्कृष्ट कार्य सम्पादनको नेतृत्व गर्ने महिला जनप्रतिनिधलाई विश्व सामु चिनाउने अभियान हो , “शी लिड्स आइकन” ।

Information

सिता जैसी

सिता जैसी

उप– प्रमुख

भेरी नगरपालिका

Voting Code: 07

सिता जैसी

सिता जैसी कर्णाली प्रदेश अन्तर्गत जाजरकोट जिल्लाको भेरी नगरपालिकाको उप–प्रमुख हुनुहुन्छ। उहाँको जन्म २०४७ साल फागुन १६ गते भेरी नगरपालिका–५ (साविक पुन्मा–४), जाजरकोटमा हिरामनी जैसी र पवित्रा जैसीको सुपुत्रीको रूपमा भएको हो। सामाजिक अभियान्ताको रूपमा लामो समय सक्रिय रहनुभएकी उहाँले २०६४ सालबाट आफ्नो राजनीतिक यात्रा सुरु गर्नुभयो।

भेरी नगरपालिका २०७३ साल फागुन २७ गते नेपाल सरकार मन्त्रिपरिषद्को निर्णयअनुसार भेरी मालिका नगरपालिकाको नाम परिवर्तन गरी वर्तमान नाम राखिएको हो।

जनप्रतिनिधि बनेपछि उहाँले गरेका प्रमुख कार्यहरूमा— सहभागितामा आधारित समाज निर्माण, पूर्वाधार विकासका आयोजना, २०८० साल कार्तिक १७ गते गएको भूकम्पमा उद्दार, राहत तथा पुनर्निर्माण कार्य, शिक्षा र स्वास्थ्य क्षेत्रमा सुधार, महिला, बालबालिका, अपांगता भएका तथा विपन्न नागरिकलाई विभिन्न सहयोग कार्यक्रम, र किशोरीहरूका लागि जनन स्वास्थ्य शिक्षा तथा सचेतनामूलक गतिविधि सञ्चालन— उल्लेखनीय छन्।