लुम्बिनी प्रदेश, गुल्मी जिल्लाको सत्यवती गाउँपालिकाकी उपाध्यक्ष निर माया तरामुको जन्म २०४१ साल साउन २२ गते सत्यवती गाउँपालिकामा स्व.गोपाल तरामु मगर र देवकली तरामु मगरको सुपुत्रीका रूपमा भएको हो।

शिक्षण पेशासँगै सामाजिक अभियन्ताको रूपमा लामो समय सक्रिय रहनुभएकी उहाँले  हिमालय ग्रामिण महिला प्राकृतिक श्रोत व्यवस्थापन (हिमवन्ती) नेपाल गुल्मी जिल्ला अध्यक्ष, अखिल नेपाल महिला संघ, गुल्मी जिल्ला सचिव, नेपाल स्काउट तदर्थ समिति सदस्य, नेपाल रेडक्रस सोसाईटीमा रहेर कार्यसम्पादन गर्दै आएकी उहाँले २०६४ सालबाट आफ्नो राजनीतिक यात्रा सुरु गर्नुभएको थियो।

ऐतिहासिक, धार्मिक, सांस्कृतिक तथा भौगोलिक दृष्टिकोणले विशेष महत्व बोकेको सत्यवती गाउँपालिकामाउपाध्यक्ष बनेपछि उहाँले  जनताले प्रत्यक्ष अनुभव गर्न सक्ने थुप्रै कार्यहरू अघि बढाउनु भयो। तीमध्ये बालविवाह अन्त्यका लागि सन्देशमुलक (जुना) डकुमेन्ट्री प्रर्दशन, प्रजनन स्वास्थ्यसम्बन्धी किशोरी तथा महिलाहरुलाई

जनचेतनामूलक कार्यक्रम, घरेलु हिंसा, लैङ्गिक हिंसा, दलित हिंसा, वालविवाह, बहुविवाह, अनमेल विवाह सम्बन्धी लक्षित वर्ग, सिमान्तकृत/अल्पसङ्ख्यकमध्ये माझी बस्ती तथा ठाउँविशेषमा पुगी कानुनी सचेतनामूलक कार्यक्रम, सम्बन्धबिच्छेद गर्न लागेका जोडीलाई मेलमिलापको माध्यमबाट सम्बन्ध सुमधुर गराउने कार्यक्रम, शोरी आत्मरक्षा तालिम, साईबर अपराध सम्बन्धी सचेतनामूलक होडिङ बोर्ड राख्ने कार्यक्रम, ‘सुनौलो १०००

दिनका महिला मध्ये गर्भवती महिलाका लागि ग्रामीण अल्ट्रासाउन्ड सेवा, पौष्टिक आहार तथा पोषण सुधार, स्वास्थ्य शिक्षा, अभिभावक शिक्षा कार्यक्रम, महिला सशक्तिकरणका लागि सीप तथा क्षमता विकास तालिम, सत्यवतीका उद्यमशिल महिलाका सफलताका कथा, सफल महिलाका कथा, तीज गीत संगालो प्रकाशन तथा सफल उद्यमी महिला सम्मान कार्यक्रम, महिलाको हक अधिकार सम्बन्धी राष्ट्रिय अन्तराष्ट्रिय निर्णय सम्बन्धी

अभिमूखिकरण कार्यक्रम, दलित तथा जनजातिका लागि क्षमता विकास तालिम र हरेक कार्यक्रम तथा तालिममा दलित र महिलाको अनिवार्य सहभागिता सुनिश्चित गर्ने कार्य विशेष उल्लेखनीय छन्।

शिक्षा, स्वास्थ्य, कृषि, पर्यटन सम्बन्धी गुणात्मक सुधार, महिला तथा युवा शसक्तिकरण साथै वालश्रममुक्त र वातावरणमैत्री वडा घोषणा कार्यक्रम, जलवायु परिवर्तन न्यूनिकरणका लागि प्लाष्टिकमुक्त भान्साघर निर्माण सम्बन्धी अभिमुखिकरण कार्यक्रम, 30 देखि 50 वर्ष उमेर समूहका महिलाको स्तन तथा पाठेघर सम्बन्धी (VIA) शिविर, अपाङ्ग, एकल महिला, पति वेपत्ता महिला, विभिन्न नसर्ने रोग लागेका महिलाका लागि आत्मसम्मान हुने कार्यक्रम तथा अपाङ्गमैत्री सहायता सामग्री सहित संरचना निर्माण, आत्महत्या सम्बन्धी मनोसामाजिक परामर्श सम्बन्धी तालिम, महिला स्वास्थ्य स्वयमसेविका सहित विपन्न नागरिकलाई स्वास्थ्य विमा, डाक्टर सहित ज्येष्ठ नागरिक भेट, विद्यालयमा किशोरीलाई फोलिक एसिड वितरण तथा यसका फाईदाका विषयमा सचेतना, त्यसैगरी सेनेटरी प्याड सहित भेन्डिङ मेसिनको व्यवस्था गरिएको छ ।

यी कार्यक्रमहरूले सत्यवती गाउँपालिकालाई शैक्षिक, भौतिक, सामाजिक, सांस्कृतिक, आर्थिक न्याय, सद्भाव, महिला सशक्तिकरण र समावेशी विकासको उत्कृष्ट उदाहरण बनाउन महत्वपूर्ण योगदान पुर्‍याएका छन्।