वि.सं. २०४१ साल माघ १५ गते रौतहटको पतौरा गा.वि.स.मा जन्मनुभएकी रीना कुमारी साह मौलापुर नगरपालिकाकी नगर प्रमुख हुनुहुन्छ। बुबा सोनेला साह र आमा मिथलेश देवीकी छोरी उहाँ निर्वाचित हुनु अघि सामाजिक अभियान्ता र सक्रिय समाजसेवीका रूपमा परिचित रहनुभएको थियो। राजनीति जीवनमा सक्रिय रहँदै उहाँ २०७९ सालको स्थानीय तह निर्वाचनमा विजयी हुनुभएको हो।

नगर प्रमुखको जिम्मेवारी सम्हालेपछि उहाँको नेतृत्वमा सडक तथा यातायात सुधार, खानेपानी र सरसफाइ सेवाको विस्तार, सडकबत्ती स्थापना, प्राविधिक शिक्षा (Polytechnic) स्थापनाको पहल, महिला, दलित तथा पिछडिएका वर्गका लागि विशेष कार्यक्रम सञ्चालन, विद्यालय शिक्षाको सुधार र नयाँ विद्यालय निर्माण, स्वास्थ्य सेवामा पहुँच वृद्धि, कृषि उत्पादनलाई बजारसँग जोड्ने पहल, स्मार्ट (डिजिटल) सेवा प्रणालीको विकास, पारदर्शी बजेट व्यवस्था र नागरिक सहभागिता सुनिश्चित गर्ने कामहरूलाई प्राथमिकतामा राख्दै मौलापुरलाई आधुनिक र समावेशी नगरको रूपमा अघि बढाइरहनुभएको छ।