बागमती प्रदेशको दोलखा जिल्ला, मेलुङ गाउँपालिकाकी उपाध्यक्ष गायत्री आचार्यको जन्म वि.सं. २०३५ साल भदौ १५ गते पवटी गाविसमा भएको हो। उहाँका बुबा इन्द्र प्रसाद घिमिरे र आमा जानुका घिमिरे हुनुहुन्छ। सामाजिक सेवामा सानैदेखि सक्रिय रहनुभएकी उहाँ वि.सं. २०४७ सालमा राजनीति क्षेत्रमा प्रवेश गर्नुभएको हो। निर्वाचित हुनु अघि उहाँ सामाजिक अभियान्ताका रूपमा चिनिनुहुन्थ्यो।

उपाध्यक्षका रूपमा जिम्मेवारी सम्हालेपछि उहाँले सहभागितामूलक योजना तर्जुमा, संविधानले तोकेको अधिकारक्षेत्रभित्र रहेर कानून निर्माण, लक्षित समुदायको नेतृत्वमा अवसर सिर्जना, कृषि अनुदान वितरण, प्रभावकारी अनुगमन तथा मूल्यांकन, छिटो–छरितो सेवा प्रदान, मेलमिलाप तथा न्याय निपटान, खानेपानी, सिंचाइ तथा सडक क्षेत्रमा लगानीलाई प्राथमिकतामा राख्नुभएको छ।

सुशासन, पारदर्शिता र जनमुखी सेवालाई आफ्नो नेतृत्वको मूल आधार बनाउँदै उहाँ मेलुङ गाउँपालिकालाई समावेशी र विकासमुखी गाउँपालिका बनाउन निरन्तर अग्रसर रहनुभएको छ।