She Leads Icon

“शी लिड्स आइकन” (SHE LEADS ICON ) कल्प इम्पावर वेमेन नेपालको राजनीतिमा महिला परियोजना अन्तर्गत रहेको कार्यक्रम हो । नेपालका स्थानीय तहमा निर्वाचित महिला जनप्रतिनिधी मध्येबाट ‘महिला स्वास्थ्य ,महिला उद्यमशिलता,नीति र न्याय ,सशक्तिकरण र जवाफदेहित क्षेत्रमा प्रेरणादायी र उत्कृष्ट कार्य सम्पादनको नेतृत्व गर्ने महिला जनप्रतिनिधलाई विश्व सामु चिनाउने अभियान हो , “शी लिड्स आइकन” ।

Information

हिरादेवी शर्मा

हिरादेवी शर्मा

अध्यक्ष

मोदी गाँउपालिका

Voting Code: 15

हिरादेवी शर्मा

गण्डकी प्रदेश अन्तर्गत पर्वत जिल्लाको मोदी गाउँपालिकाकी अध्यक्ष हिरादेवी शर्माको जन्म २०२७ साल भदौ १० गते मोदी गाउँपालिका–५ मा पिता बालभद्र शर्मा र माता सरुमा देवी शर्माको सुपुत्रीका रूपमा भएको हो। सामाजिक अभियान्ताका रूपमा लामो समय समाजसेवामा संलग्न रहनुभएकी उनले २०४७ साल बाट आफ्नो राजनीतिक यात्रा सुरु गर्नुभएको हो।

प्राकृतिक स्रोतसाधनमा धनी मोदी गाउँपालिकाको करिब ७० प्रतिशत भूभाग वनले आच्छादित छ, जसबाट प्राप्त हुने जडीबुटी, काठपात, दाउरा र घाँसले स्थानीय जनजीवनलाई समृद्ध बनाउन ठूलो सम्भावना बोकेको छ।

अध्यक्ष शर्माको नेतृत्वमा पालिकाले सुशासन, पूर्वाधार विकास, सामाजिक उत्थान र आर्थिक प्रगतिलाई मुख्य प्राथमिकतामा राख्दै नीतिगत कार्य अघि बढाइरहेको छ। गौरवका १६ वटा योजनाहरू अन्तर्गत अपूरा पूर्वाधार परियोजनाहरूको सम्पन्नता, एम्बुलेन्स सेवा सञ्चालन, स्थानीय सडक निर्माण, बालमैत्री शासन प्रवर्धन, चार वडामा आवासीय विद्यालय स्थापना, “पढ्दै कमाउँदै” कार्यक्रम, बजार केन्द्रित वृहद खानेपानी योजना र सुती स्याहार केन्द्र निर्माण जस्ता पहल अघि बढाइएका छन्।

यी योजनाहरूको सफल कार्यान्वयनमार्फत मोदी गाउँपालिकालाई  नेपालकै उत्कृष्ट र उदाहरणीय गाउँपालिका बनाउन लक्ष्य राखिएको छ।