मिठु देवी लामा
उपाध्यक्ष
लिसंखु पाखर गाउँपालिका
“शी लिड्स आइकन” (SHE LEADS ICON ) कल्प इम्पावर वेमेन नेपालको राजनीतिमा महिला परियोजना अन्तर्गत रहेको कार्यक्रम हो । नेपालका स्थानीय तहमा निर्वाचित महिला जनप्रतिनिधी मध्येबाट ‘महिला स्वास्थ्य ,महिला उद्यमशिलता,नीति र न्याय ,सशक्तिकरण र जवाफदेहित क्षेत्रमा प्रेरणादायी र उत्कृष्ट कार्य सम्पादनको नेतृत्व गर्ने महिला जनप्रतिनिधलाई विश्व सामु चिनाउने अभियान हो , “शी लिड्स आइकन” ।
उपाध्यक्ष
लिसंखु पाखर गाउँपालिका
बागमती प्रदेशको सिन्धुपाल्चोक जिल्ला, लिसंखु पाखर गाउँपालिकाकी उपाध्यक्ष मिठु देवी लामाको जन्म वि.सं. २०२७ साल असोज १३ गते लिसंखु पाखरमै भएको हो। उहाँका बुबा पेमा वाङ्छ्यु लामा र आमा काछी लामा हुनुहुन्छ। सामाजिक सेवामा सक्रिय रहँदै उहाँ वि.सं. २०७४ सालमा राजनीतिमा प्रवेश गर्नुभएको हो। उहाँ निर्वाचित हुनु अघि सामाजिक अभियान्ताका रूपमा परिचित रहनुभएको थियो।
जनप्रतिनिधि बनेपछि उहाँले वडास्तरीय घुम्ती सेवा सञ्चालन, सरकारी कर्मचारीका छोराछोरीलाई सामुदायिक विद्यालयमा अध्ययन गराउने पहल, सहभागितामूलक विकास निर्माणमा जोड, खानेपानी मुहान दर्ता, भवन निर्माणमा मापदण्डको पालना, सुत्केरी भेटघाट कार्यक्रम, ‘एक गाउँ एक समूह’ सांस्कृतिक कार्यक्रम, पोषण तथा स्वास्थ्यसम्बन्धी हाजिरी–जवाफ प्रतियोगिता तथा स्त्रीरोग स्वास्थ्य शिविर सञ्चालनजस्ता कार्यहरूलाई प्राथमिकतामा राख्नुभएको छ।
पारदर्शी, समावेशी र जनमुखी नेतृत्वशैलीलाई आधार बनाउँदै उहाँ लिसंखु पाखर गाउँपालिकामा सुशासन, सामाजिक रूपान्तरण र विकासलाई निरन्तर अघि बढाइरहनुभएको छ।