प्रमिला राई कोशी प्रदेश अन्तर्गत भोजपुर जिल्लाको षडानन्द नगरपालिकाकी उपप्रमुख हुनुहुन्छ। उहाँको जन्म २०४३ साल माघ १८ गते झापामा भएको हो। उहाँका पिता स्व. दिल ब. राई र माता सीता राई हुनुहुन्छ। सामाजिक अभियन्ता भएर सक्रिय रहनु भएकी उहाँले २०६३ सालबाट आफ्नो राजनीतिक यात्रा सुरु गर्नुभयो।

षडानन्द नगरपालिका भोजपुर जिल्लाको उत्तरी क्षेत्रमा अवस्थित छ। यस नगरपालिकाको ऐतिहासिक महत्त्व दिङ्ला सभ्यता र समाज सुधारक शिक्षासेवी आवाल ब्रम्हाचारी षडानन्द गुरुसँग गाँसिएको छ। वि.सं. १९३२ मा उहाँले स्थापना गर्नुभएको षडानन्द संस्कृत पाठशालाले नेपालको शिक्षाक्षेत्र र समाज सुधारमा ठूलो योगदान पुर्‍याएको छ।

उपप्रमुख प्रमिला राईले महिला, अपाङ्ग, दलित समुदायको सशक्तीकरण, न्यायमा पहुँच, र पूर्वाधारको गुणस्तरीय विकासलाई प्राथमिकता दिँदै काम गर्दै आउनु भएको छ। उहाँको प्रत्यक्ष सहभागितामा जनस्तरका समस्या समाधान, पारदर्शिता र समावेशीता अभिमुख कार्यक्रम संचालन हुँदै आएका छन्।